Amurrioko Bañueta kiroldegiak bazkide berriak lortzeko helburuarekin kanpaina berria abiarazi du. Urriaren 15etara arte matrikulazioak doakoak izango dira.
Herritarrek 60 euro aurreztu ahal izango dute. Hiru baldintza daude doako matrikulazioa egin ahal izateko. Batetik, 6 hilabeteko konpromisoa hartu beharko dute erabiltzaileek, 2016ko martxora arte kuotak ordainduz.
Bestetik hilabeteko kuota guztiak ordaintzea. Azkenik, aurretik ordaindu gabeko ordainagiriak ez izatea.
Kiroldegiko erabiltzaile zaharrek euren txartela berritu behar izango dute. Baina bezero berriek, fitxa osatu beharko dute eta argazkia gehitu.
Bazkide izatearen abantailak
Bazkide izateak hainbat abantaila ekartzen ditu. Batetik kiroldegiko azpiegitura guztiak erabili ahal izatea (igerilekuak, muskulazio gela, kantxa, “squash-a”, boulderra, erabilera anitzeko gelak, hidromasajea, sauna, bainu turkoa eta dutxa ziklonikoa).
Bestetik, urtarriletik aurrerako bazkideek udako igerilekuetarako doako sarrera izango dute. Horrez gain, kiroldegian eskainiko diren ikastaroetan lehentasuna eta deskontuak izango dituzte bazkideek.