Euskadiko Udalen Elkarteak zuzendaritza berria onartu du gaur Durangon. Zuzendaritza berriaren eskutik Josune Irabien Amurrioko alkate jeltzaleak izango ditu lehendakari ordeari -bi daude erakundean- dagozkion ardurak.
Josune Irabien pozik agertu da izendapenarekin baina lan handia izango dela azaldu du: “Legealdi honetan udal legea, etxebizitza legea eta Zerbitzu Sozialen Eskutitzari aurre egingo beharko diegu eta aldaketak egongo dira derrigorrez.”
Eudel-eko lehendakariorde berriak goraipatu du erakundeak egiten duen lana: “oso lan teknikoa da eta udalerri txikiei, hau da, langile gutxi dituzten udalerriei, laguntza eta aholkularitza tekniko zerbitzu oso garrantzitsua eskaintzen die.”
Eudel-eko zuzendaritzan EAJ, PSE-EE eta PP ez ezik independenteek ere ordezkariak izango dituzte.
EH Bildurekin giro ona
Ezker Abertzaleak ez du Eudel-en parte hartzen aspaldi eta ez du, momentuz, ordezkaririk izango zuzendaritza berrian, baina Josune Irabienek azpimarratu du EH Bildurekin elkarlan giro ona sortu dela eta horrek ere poztekoa dela.