Tubos Reunidos enpresako bi langileak absolbitu dituzte

Erredakzioa 2015eko irailaren 16a

Abokatuak jakinarazi die Tubos Reunidos enpresako bi langileei epaia berretsi diotela epaitegian eta absolbituak izan direla.

Gasteizko epaitegiak azkar hartu du erabakia, pasa den ostegunean epaitu baitzituen. Abokatuak adierazi die langileei ondo oinarritutako epaia dela baina oraindik itxaron behar dela, 10 egun izango baititu fiskaltzak helegitea jartzeko.

Abokatuak jakinarazi die Tubos Reunidos enpresako bi langileei epaia heldu zaiola eta absolbituak izan direla.

2012an hitzarmen kolektibo duin baten aldeko greban atxilotu zituen Ertzaintzak bi langileak eta horren ondorioz 2 urteko eta 6 hilabeteko kartzela zigor eskaera jaso zituzten beharginek fiskaltzaren aldetik.

Tubos Reunidos enpresako langile batzordeak mobilizazioak deitu zituen pasa den astean eta hainbat langile bertaratu ziren ostegunean Gasteizen, epaitegiaren aurrean elkarretaratzea gauzatzeko.

Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide