Amurrioko Udalak Amurrio Hiribilduaren Paisaiaren Ekintza Plana idazten jarraitzen du. Aztertuko den paisaiaren diagnostikoa egin da, eta datozen asteetan zehaztuko dira planean proposatuko diren kudeaketa-neurriak. Jarduera adostuak izan daitezen eta amurrioarren nahiei erantzun diezaien, ezinbestekotzat jo du udalak herritarrek prozesuan parte-hartzea.
Irailaren 24an tailer bat egingo dute udaletxean arratsaldeko 18:30ean. Bi helburu ditu tailer horrek. Batetik, paisaiaren kalitatearen helburuak berrikustea eta egiaztatzea. Bestetik, identifikatutako eremu garrantzitsuenentzat kudeaketa-neurriak definitzea.
Herritarren batek gaiari buruzko zalantzarik izanez gero, Udalaren Herritarren Partaidetza Arlora jo dezake edo idatzi partehartzea@amurrio.org helbide elektronikora.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
