Amurrioko udalak Iñaki Plaza musikariarekin harremanetan jarri zen trikitilariak Amurrioko Jaien abestia egin zezan.
Iñaki Plazak melodia sortu zuen eta Izar Mendiguren bertsolariak kantuaren hitzak asmatu zituen.
Amurrioko Jaiak heltzear daude eta gaur bertan udal ordezkariek zein Iñaki Plazak aurkeztu dute abestia.
Udalaren asmoa da amurrioarrek abestia ikastea eta jaietan kantatzea. Horretarako tabernetan banatuko dituzte Cdak eta ahal duten neurrian zabalduko dute.
Hauek dira kantuaren hitzak:
Zu zeu jaia!
Itzuli da Iguarrako
plazara aire freskoekin,
oinak lurrean egizu
jaietan hegan gurekin!
Jai koadrilak, auzolana, festa,
zahar, mutil, haur, neska!
Egun zein gau, adarra denok joz
poza piztuz le(he)rtu da festa!
Zu zeu zara Amurrioko Jaia!
Zuk egiten duzu herri
hau anitz eta alaia!
Zu zeu zara Amurrioko Jaia!
Gozatzeko elkarrekin
Iritsi zaigu garaia!
Musikarekin mingaina
eta gorputza dantzatu,
errespetatuz elkarri
herri ta irriaz gozatu!