Amurrioko udal osoko bilkurak aukeratu zituen atzo Foru Planean aurkeztuko dituen lanak. Ondorioz, udalak Mendizur kalea, Larrabe auzoa eta Bergantza auzoko saneamendu lanak eta Frontoi kaleko urbanizazioa diruz laguntzea eskatuko dio Arabako Foru Aldundiari.
PP, PSE-EE, EH Bildu eta EAJ alderdiek babestu zuten eskaera eta Amurrio Guk Bai eta Orain Amurrio taldeak abstenitu ziren.
Estolderia
Mendizur kalean eta Larrabe eta Bergantza auzoetan aurreikusitako estolderia lanek 897.000 euroko gastua suposatuko lukete eta gehienez aldundiak %90 ordaindu dezake.
Amurrioko udal osoko bilkurak aukeratu zituen atzo Foru Planean aurkeztuko dituen lanak. Ondorioz, udalak Mendizur kalea, Larrabe auzoa eta Bergantza auzoko saneamendu lanak eta Frontoi kaleko urbanizazioa diruz laguntzea eskatuko dio Arabako Foru Aldundiari.
PP, PSE-EE, EH Bildu eta EAJ alderdiek babestu zuten eskaera eta Amurrio Guk Bai eta Orain Amurrio taldeak abstenitu ziren.
Estolderia
Mendizur kalean eta Larrabe eta Bergantza auzoetan aurreikusitako estolderia lanek 897.000 euroko gastua suposatuko lukete eta gehienez aldundiak %90 ordaindu dezake.
Frontoi kalea, partaidetza beharrezkoa
Frontoi kaleko urbanizazioak 1.300.000 euro balioko du aurrekontuaren arabera. Gehienez %60ko diru-laguntza jaso dezakete lanek eta oraindik aurreproiektua da.
Udal taldeek nabarmendu zuten partaidetza prozesua abiatu behar dela behin betiko proiektua erabakitzeko. Horretarako auzokideei, ostalariei eta merkatariei galdetuko zaie lanen helburuei buruz.
Irisgarritasuna
Frontoi kaleko obrak irisgarritasuna du xede, besteak beste. Horrela, frontoiko zein Juan Urrutia plazako irisgarritasuna hobetu nahiko lukete.
Aparkalekua
Frontoi kaleko lanek iraungo duten bitartean aparkalekuak eskainiko ditu udalak jabe pribatu batekin lortutako akordioari esker.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
