Abuztuaren 14an egingo dute nekazaritza azoka eta horretan parte hartzeko izena emateko epea zabaldu dute. Parte hartzaileek uztailaren 20ra arte eman ahal izango dute izena.
Nekazaritza erakusketaren XIX. Edizioa izango da aurtengoa eta Juan Urrutia plazan izango da. Nahiz eta nekazaritzarekin zerikusia daukana erakutsi behar den, izena emateko epea bukatzen denean leku libreak baldin badaude, artisauek ere parte hartzeko aukera izango dute.
Txapelketa ere egongo da, izan ere, posturik hoberena zein den erabakiko dute eta horri 125 euro eta trofeoa emango zaio. Bigarrenak, ordea, 90 euro jasoko ditu eta hirugarrenak 60. Horrez gain, saria lortzen ez dutenei, euskal arropa jantzita badaramate 15 eta 10 euroko dietak ordainduko zaizkie.
Postua jartzeko baldintzak
Salmentan jarriko diren produktu guztiek osasun erregistroa izan beharko dute. Horrez gain, postuan saltzen egongo diren pertsonek elikagai manipulaziorako txartela izan beharko dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
