Uda heltzear da eta horrekin batera udako lantegien eskaintzak. Aurten, arte-eskolak antolatutako zeramika-lantegia izango da ekintzetako bat. 4 eta 12 urte bitarteko haurrek parte hartu ahal izango dute eta uztaileko astelehen eta asteazkenetan egingo dute
Arte eskolak helburu jakin batzuekin antolatu du lantegi hau. Batetik, gune dibertigarri eta sortzaile bat sortzea,non neska-mutilek zeramika-materialak erabili eta hiru dimentsiotako proiektuen bitartez ipuinak eta eszena txikiak irudikatzen ikasiko duten. Horri esker, haurrek arte bizipen artistikoak izateaz gain, talde ekintza sortzailea eta partekatutako errepresentazioa presente izango dute.
Buztin-lantegiaren nondik norakoak
Irudi txikiak zein ertainak egiteko buztina erabili8ko dute eta ondoren engobeen bitartez margotuko dituzte iruditxoak. Horrela, zeramika prozesuaren teknika desberdinak ikasiko dituzte. Buztinaren birziklapenetik hasi, egosi, bitartean itsatsi, plakak eta eskultura txikiak egin eta piezak pintzelez pintatuko dituzte. 25,40 euro ordaindu behar izango ditu Amurrion erroldatutakoek 42,33 euro kanpoan erroldatutakoek. Parte-hartzaileek Kultur Etxean eman dezakete izena ekainaren 24ra arte.