Josune Irabaien alkategaiak aurkeztu du EAJk Amurrion prestatu duen programa. Juanjo Unzaga foru hautagaiak ekitaldian parte hartu du bere babesa eskainiz alkategaiari.
Irabienek azpimarratu du Zabaltzen prozesutik abiatuta eta herritarren iradokizunak jarraituz osatu duela EAJk bere programa: “Amurriorrekin amurrioarrentzat egindako programa daukagu.”
Zentzu horretan, alkate jeltzaleak nabarmendu du programan agertzen diren ideia eta egitasmo guztiak gauzatu daitezkeela.
Ardatzak
Josune Irabienek ziurtatu du pertsonak direla EAJko ardatza. Krisialdiak gogor jo du Amurrio alkatearen ustez eta udalak zerbitzu sozialak arinduz erantzun beharko lukeela. Hautagaiaren aburuz zerbitzu sozialak onak dira herrian baina prozedurak arintzeko eta hobetzeko tartea badago.
Horri lotuta Irabienek adierazi du ekonomia sustatzeko existitzen diren sektoreak lagundu ez ezik, turismo berdea ere bultzatu behar duela tokiko erakundeak.
Ingurumena eta hirigintza ere aipatu du Irabienek. Jasangarritasuna bermatuko dituzten neurriak hartzeko konpromisoa plazaratu du. Aldi berean Nerbioi ibairen ertzak hobetu behar direla azaldu du.
Legealdiaren defentsa
Indarrean dagoen legealdia ere defendatu du Josune Irabienek. Zerga politika, enplegu planak -45 pertsona kontratatu dituzte-, osasun zentroaren aldeko kudeaketa, San Anton plaza, zabor kudeaketa koadrilarekin elkarlanean egitea, San Jose auzoko lanak, parke lineala... besteak beste aldarrikatu ditu alkateak.
Horretarako udal taldean lan egin duten 8 pertsonei eskerrak eman dizkio.