Datorren apirilaren 30etik Maiatzaren 2ra ospatuko diren Amurrioko San Jose auzoko jaien batzordeak aurtengo egitaraua kaleratu du.
Jaiei hasiera emateko, apirilaren 30ean haurren eguna ospatuko dute, besteak beste txikientzako jolasak eta txokolatada prestatuko direlarik. Arratsalde partean jaiei benetako hasiera emango dien txupinazoa jaurtiko da eta egunari Joselu Anaiak taldearen erromeriak emango dio amaiera.
Bestalde, maiatzaren 1erako, ostirala, dantza erakustaldia prestatu dute eta gauerako kontzertuak ere. Kontzertu horietan Lekeitioko Txapelpunk talde ospetsua arituko da San Jose auzoan. Txapelpunk taldearekin batera Atasko taldea eta Ingo Al Deu? erromeria ere arituko dira.
Jaiei amaiera emateko, maiatzaren 2an, larunbata, Arratiako Eskean Kristö taldeak, Madrilgo Boikot talde ospetsuak eta Bilboko Garilak 26 erromeriak joko dute San Joseko eskenatoki nagusian.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
