Arabako Foru Aldundiak Saratxoko errepidean egiten duen mantentze lana eskasa dela salatzeko mozioa onartu du Amurrioko Udalak. EAJ, Bildu eta PSE-EE udal taldeek alde bozkatu dute eta PP-k aldiz kontra.
A-625 errepidearen zati horren egoerak arriskua ekartzen duela adierazten dute mozioan. Amurrioko Udalak Udaltzaingoaren txostenak aurkeztu ditu azken hilabeteetan errepidearen egoera ona ez dela izan frogatzeko.
Errepide berria egiteko proiektua badauka Foru Aldundiak baina Amurrioko Udaletik eta Saratxoko Administrazio Batzarretik kontrako arrazoibideak aurkeztu eta hainbat aldaketa proposatu dira.
Aldaketa horiek aintzat hartzea eta errepidea hobetzeko lanei lehenbailehen ekitea eskatu du Udalak egun dagoen arrisku egoerarekin bukatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
