Ostegunean onartuko dituzte Amurrioko Udal Osoko Bilkuran 2015eko aurrekontuak. Guztira 13.323.723 euro izango ditu erakundeak zerbitzuak mantentzeko eta inbertsioak gauzatzeko.
Ongizate Gizarte sailaren beharrei aurre egiteko % 7,6ko igoera emango da. Ahalegin hori sailak eragiten dituen lan burokratikoak arintzeko bideratuko dute; administratiboa kontratatzeko alegia.
Erakundeak Tokiko Enplegu Planari ere bultzada eman nahi dio 2015ean. Hori dela eta % 16ko igoera izango du aurrekontuen bitartez. Atal hori eta Amurrio Bidean eskaintzen dituen trebakuntza ikastaroak lehentasunak direla azaldu du udalak, krisialdia dela eta.
Hondakinen kudeaketak bitarteko gehiago beharko ditu, tasak igo baititu jasotzen dituen Gasteizko zentroak. Igoera maiatzan gauzatuko da.
Inbertsioak
Inbertsioei dagokionez, aurrekontuak 1.568.273 euro erabiliko ditu; San Josen egitean ari diren lanetan 569.865 euro, ur-horniketa sarean 223.962 euro, Reforreko harri-lubetan 216.000 euro, San Anton plazako estalduran 266.000 euro eta partaidetza proiektuetan 65.000 euro, hurrenez hurren.
Zorra
Langileen gastuak 3.959.387 euro suposatuko dizkio Amurrioko Udalari eta aurreko legealdietan eskatutako kredituak direla eta 400.000 euro ordainduko du udalak.
Josune Irabienek azaldu du zenbait aldaketa eman direla aurrekontuetan akordioaren bitartez. Udal gobernu taldeak oposizioaren proposamenak onartu ditu tokiko enplegua eta merkataritza sustatzeko eta Batzar Administratiboei diru-laguntzak % 2an igotzeko.