Amurrioko EAJ, Bildu eta PSE-EE alderdien bozak eta PPren abstentzioa jaso eta gero hasierako onarpena eman diote hiri-antolamenduko plan orokorrari.
Lau urtez aritu da lanean udala arau subsidiarioak aldatuko duen plana prestatzen. Josune Irabien alkateak azaldu du ez HAPOak ez duela bakarrik hirigintza gaiak jorratuko, beste hainbat esparru ere jorratzen dituela -sozioekonomia edo irisgarritasuna-. Gainera, alkateak azpimarratu du bere helburua, besteak beste, lurzoru berriak erabiltzea dela.
Mugikortasuna hizpide
Amurrioko udalak zenbait ardatz zehaztu ditu HAPOan. Mugikortasunaren aldetik hurrengoak dira landuko diren ildoak:
Mugikortasun kontuetan, alderdi estrategiko hauek azpimarratu ditu:
-
Amurrio Nerbio ibairantz irekitzea, trenaren eraginez sortutako erdigune zatituaren arazoa konpontzeko eta Nerbioko Parke Linealean sartzeko, Amurrio erdigunean.
-
Aiara inguruko sarrerako bidea amaitzea eta erdigunetik Artziniega-Urduña artean igarotzen den trafikoa saihestea.
-
Trenari garrantzia handiagoa ematea: sarbideak hobetuz eta Aldai kale nagusiarekiko lotura areagotuz.
Helegiteak
Norbaitek helegiteak aurkeztu nahi izanez gero, bi hilabeteko epea izango du Arabako Lurralde Historikoaren Aldizkari Ofizialean argitaratu bezain laster. Horretarako Amurrioko Udaleko Erregistro Orokorreko bulegora jo beharko du, 09:00etatik 14:00etara.
Hiri-antolamendurako plan orokorra ezagutzeko hitzorduak
Udalak hainbat aukera emango ditu HAPO ezagutzeko:
-Udalaren webgunea kontsultatuta (www.amurrio.org), Udal Plangintzaren Berrikuspena atalean, Planaren Hasierako Onespenaren III. Fasea kontsultatu ahal izango da, eta bertatik deskargatu helegiteen eredua.
- Aurrez aurreko saioa Plan Orokorraren dokumentuaren inguruan sortzen diren zalantzak aurkeztu eta argitzeko. Martxoaren 3an izango da, 18:30ean, Udaleko katekesi aretoan.
- Erakusketa publikoak, pertsona baten laguntzaz bisitatzeko parada emango dute:
- Otsailaren 16tik 20ra bitartean kiroldegiko hallean, 11:00etatik 13:00etara eta 17:00etatik 19:00etara, astelehenetik ostiralera.
- Otsailaren 23tik 27ra, La Casonan, 11:00etatik 13:00etara eta 17:00etatik 19:00etara.
- Martxoaren 2tik apirilaren 16ra, udaletxeko bulego orokorren sotoan, 11:00etatik 13:00etara eta 17:00etatik 19:00etara, astelehenetik ostegunera, eta 11:00etatik 13:00etara ostiraletan.
- Administrazio Batzarretan ere ikusgai egongo da:
- Otsailaren 21ean (larunbata), Delikako kontzeju-aretoan, 16:00etatik 19:00etara.
- Otsailaren 28an (larunbata), Lezamako kontzeju-aretoan, 16:00etatik 19:00etara.