BECtekadaren bederatzigarren emanaldia da aurtengoa. Datorren larunbatean izango da, Amurrio Antzokian, eta arratsaldeko 20:00etan hasiko da jaialdia.
Sarrerak Amurrioko Aldai kalean dagoen La Casonan eskuratu daitezke, bere prezioa 8 euro delarik.
Amurrioko BECtekadan bilduko diren bertsolariak puntakoak dira eta Udalak ahalegina egiten du herrira ekartzeko: Amets Arzallus, 2013ko Bertsolari Txapelketa Nagusian Txapelduna, Maialen Lujanbio, 2009ko Txapelketan irabazle, Aitor Mendiluze, Beñat Gaztelumendi, Aitor Sarriegi, Igor Elortza, Sustrai Kolina eta Unai Iturriaga.
Bertsolaritza zirkuituan ezinbezteko hitzordua bihurtu da BECtekada eta, aurreko emanaldietan bezala, bertsozalez beteko da Amurrio Antzokia. Giro ezinhobea eta bertsolarien eta publikoaren arteko harremana izango dira protagonista. Amurrio Antzokia, BEC Aretoa Bertsolari Txapelketa Nagusian berotzen den bezala, berotuko da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
