San Antonen Lagunen elkarteak jakinarazi duenez, hurrengo urtarrilaren 18an San Anton baselizaren inguruan urtero egiten den jaia ospatuko dute. Bertan, ohiko txerri zozketa eta enkantea egingo da, eta baserritarrek euren produktuak salduko dituzte.
Eguna goizeko 09:00etan hasiko da suziriekin eta azoka 10:00etan irekiko da. 11:30ean santuaren omenezko mesa egingo da eta baserriko produktuen enkanteari ordu bat geroago hasiera emango zaio. Aurtengo produktuen sailak merkeagoak izango dira eta baserriko produktuez besterik ez dira osatuko, izan ere, aurreko urteetan zozketatutako kirol kamisetak oso garestiak baitira.
Bestalde, hamabost txerrikume eta arkume inguru erreko dira, baina aldez aurretik erreserba egin beharko da urtarrilaren 13a baino lehen 664081883 telefonora deituz eta Amurrioko Laboral kutxan diru-sarrera eginez. Erreziboa egunean bertan eman beharko da eta txerrikumeak 75 euro balioko dituzte eta arkumeak 90 euro. Gainera, 100 saltoki baino gehiago egongo dira eta elkartetik baserritarrez jantzita joatea animatzen dute. Enkantean ateratako dirua elkarte bati joango da.