Aiaraldea Komunikazio Leihoak "Ene begiak eme" ikuskizuna sortu du eskualdeko artista ezberdinekin. Emanaldi bakarra egingo dute, abenduaren 14an 19:00etan Amurrio antzokian. Aiaraldeko 40 pertsonatik gora elkartuko ditu oholtzak, emakumeen egoera ezberdinak ikustarazi eta generoaren (des)eraikuntza izango dituelarik ardatz. Besteak beste, antzerkia, musika, dantza, margoa edo poesia oholtzaratuko dute. Baita ipuin musikatuak ere.
Irailean hasi ziren emanaldia prestatzen, urrian sortzaileekin harremantzen eta azaroan entsaiatzen. Emanaldia grabatu egingo dute, ondoren DVD bat ekoizteko.
Sarrerak, egunean bertan
Sarrerak egunean bertan salduko dira, hiru euroren truke. Dena dela, lehenago eskuratzeko bidea ere egongo da: Facebook eta twitter sare sozialetan ikuskizunaren kartela elkarbanatzen dutenen artean 8 sarrera zozketatuko baitituzte. Irabazleak abenduaren 12an jakinaraziko dira, goizeko 12:00etan. Emanaldiaren jarraipena egiteko #EneBegiakEme traola erabiliko dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
