Amurrioko Udalak Landaburu 37 eta 38 zenbakien ingurua berritzeko obrak esleitu ditu. Lanak egingo dituen enpresa Grupo Campezo da eta 46.565, 64 euro balioko dituzte. Helburua hezetasuna eta ur putzuak kentzea, auzokideak sartzeko erraztasuna lortzeko espaloia zabaldu eta eraikinaren atzealdeko asfaltatzea egitea da.
Guztira, bost enpresen eskaintzak aztertu dituzte eta merkeena aukeratu dute. Obrak urtea amaitu baino lehen egingo dira eta herriaren aldirietan dauden auzoen urbanizazioa hobetzeko asmoarekin bat dator. “Hobekuntza lan hau urteetan abandonaturik egon diren Amurrioko auzoen konponketaren zati bat da . Hau egiteko aurretik bakoitzaren egoera aztertu da eta batzuei lehentasuna eman zaie”, esaten du prentsa oharrez Iñigo Bordes zinegotziak.
.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
