Baliabide publikoetan kudeaketa gardena izateko hainbat ekintza egin ditu Udalak. Web orrialdean informazio ekonomikoa eta egindako kontratazioak jarri ondoren, jarduera memoria osatu du. Horrela, kultura, hirigintzan eta parte-hartzean egin diren ekintzei buruz iritzia jasoko dute herritarren artean.
Horrela, azaroak 17, 18, 19, 20 eta 21 herriko hainbat tokitan, Udalak aukeratutako proiektu batzuk erakutsiko dira eta hobetu beharreko alderdiak jakiteko asmoz, biztanleek inprimaki baten bidez proiektu horiekiko duten atsegin maila adierazteko aukera izango dute.
Proiektuak toki hauetan egongo dira ikusgai: azaroaren 17 eta 18an kiroldegian; 19an Landakon 10:00etatik 13:00etara eta San Jose auzoan 16:30etatik 18:30etara; 20an Guk eskulturan 16:30etatik 18:30etara; eta 21ean San Anton plazan 10:00etatik 13:30etara.
Bestalde, Kiroldegian, Liburutegian, Udaletxean eta Kultur Etxean balorazioa egiteko ontziak jarriko dira azaroaren 17tik 30era. Gainera, Udalak aukeratutako proiektuak ere web gunean ikusi eta baloratu ahal izango dira.