Amurrioko Podemos Ahal Dugu taldeak batzar irekia deitu du urriaren 31n. Arratsaldeko 19:00etan egingo dute bilera Katekesi Aretoan eta ekitaldiaren helburu nagusia da Amurrio eta Aiarako herritarrak erakartzea.
Amurrioko taldea prozesu eratzailean dago murgilduta oraindik eta eraketa fasea azaroaren 14an bukatzea espero dutela iragarri dute. Ekainean adostutako ildoak aurkeztuko dituzte ostiralean.
Podemos Ahal Dugu Amurriok adierazi du: “herritarren laguntzarekin aldaketa sozial, ekonomiko eta politikoa burutzea dugu helburu. Demokrazia eta gizarte subiranotasuna kontzeptuak zer diren gogoratu behar ditugu, horretarako beharrezkoa da gizarteak era zuzen batean erantzutea. Demokrazia berritzea dugu helburu, hau posible egiteko, denok norabide berdinean egin behar dugu lan, gizartea lehen bezala subiranoa izan behar delako pentsatzen dugulako.
Ildo honetan jarraituz, ezin ditugu ahaztu gaur egun politika zapaltzailea jasaten duten pertsonak, etxea edo lana galdu izan dutenek eta murrizketak direla medio zerbitzu publikoek jasan behar duten baliabide urritasunari, euskarari egiten dion kalteari ere bai.”