Amurrioko “Kuskumendi MBT” mendi bizikleta taldeak II. Mendi duatloia antolatu du datorren igandea urriaren 19ean.
Proba kiroldegiaren ondoan hasiko da, irteera goizeko 11etan izango delarik. Hiru sektoreko lasterketa da, lehenengoa, mendi lasterketa izango da, 6 kilometrotako ibilibidea.
Ondoren, parte-hartzaileek mendi bizikleta hartuko dute eta zirkuito bati bi buelta emango diote 16 kilometrotako ibilbidea eginez.
Azkenengo sektorea mendian izango da berriz, 3kilometrotako zirkuito bat betez.
Lasterketa Euskal Herriko Mendi Duatloi Zirkuitoaren barruan dago, orotara 13 proba dira.
Mendi duatloi zirkuitoaren helburuen artean, Euskara bultzatzea eta mendi kirol ezberdinak bultzazea daude.
Proba lehiakorra da baina helburua korrikalari herritarren partaidetza bultzatu nahi du, horregatik ibilbide laburrak egiten dira eta antolakuntzaren aldetik, kirolari horien parte hartzea bultzatzen da.
Kuskumendi taldeak antolatzen du II. edizioa
Aurten II. Edizioa izango da Amurrion . Lehenengo edizioa 2012an izan zelarik.
Antolakuntza lanetan “Kuskumendi MBT” kirol talde berria dago. Talde horrek, mendi bizikletarekin lotutako ekimenak bultzatu nahi ditu Amurrion eta inguruetan.
Laster, bere lehenengo batzar irekia deituko du. Amurrioko herritarrek nahi izanez gero, taldeari batzeko eta datorren urterako plangintza egiteko.
Era berean, taldeak eskertu nahi du, babesle eta boluntarioen laguntza, bereziki, Tubos Reunidos eta Amurrioko Udalari, emandako laguntzagatik eta era berean, azkenengo asteetan eta froga egunean bertan lagunduko duten boluntario guztiei, hauen laguntzarik gabe ez litzateke egingo froga eta.
Datorren igandean parte-hartzaile zein ikusle moduan hurbiltzera gonbidatzen ditu taldeak amurrioar eta aiaraldear guztioi.