Epaimahai batek “San Anton Plazako Estalkia” lehiaketan “Pascual y Sedano” arkitektoen taldearen Alde Batera izeneko proiektua aukeratu ondoren, Udalak herritarren artean ezagutaraztea nahiko luke. Horretako bi hitzaldi izango dira San Anton baselizan urriak 15ean eta 22an hurrenez hurren.
65 proiektu aurkeztu ondoren, epaimahaiak horietatik bost aukeratu zituen, eta herritarrek horietatik gustukoen zutena zein zen adierazteko aukera izan zuten. Hala eta guztiz ere, epaimahaiak aukeratu zuen proiektua ez zen herritarrek aukeratu zutena eta Josune Irabien Alkate Andereak dionez prentsa ohar baten bidez, “Plaza honek Amurriorentzat duen garrantzi eta esanahia dela eta, interesgarritzat jotzen dira prestatutako bi saioak; beraz, herritarrei parte-hartzera gonbidatzen zaie”.
Horrela, urriaren 15ean Juanjo Hidalgo historialariak, kokapen horren esanahi historikoaz hitz egingo du, eta urriaren 22an, “Pascual y Sedano” arkitektoen taldeak eta diseinu honen egileak, proiektua azalduko dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
