Iragan irailaren 27an zendu zen Xabier Latorre amurrioarra. Musikari familia batean jaioa, musika izan zuen bere bizitzaren ardatzetako bat. Txistua maisuki jotzeagatik bilakatu zen ezagun, eta Amurrioko zein beste herri batzuetako abesbatzekin aritu zen jotzen.
Munduko zenbait herrialde bisitatzeko aukera eman zion horrek; eta instrumentu hori lehenbiziko aldiz entzuten zuten austriar edota suitzarrak liluratuak geratzen ziren Latorreren maisutasunaz ohartuta. Orozko- Ibarrako Itxinape eta Aretako Untzueta dantza taldeekin aritu izan zen musikari, eta Aiara Dantza Taldearen lehen urteei ere jarri zizkien notak. Eskualdeko herri asko jantzi zituen musikaz, kalejiraz-kalejira eta festaz festa. Eta txistua soilik ez, klarinetea ere oso ondo jotzen zekien. Txistu maisua izateaz gain, aita apala eta lankide ona izan zela azaldu dute bere lagunek, izaera xumekoa. Hortaz gain, bere ezaugarririk nagusiena bere maitasuna izan dela azpimarratu dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
