Amurrioko Kultur Etxean “Puerto Lápice” literatura-ikastaroa eskainiko dute. Eduardo Frailek emango du eta bere helburua Barrokoaren literatur-lanak azaltzea eta hurbiltzea izango da: Cervantes, Shakespeare, Lope de Vega, Calderón, Quevedo, Góngora eta Axular landuko dira.
Interesa pizteko testuinguru historikoa eta gaien garrantzia azpimarratuko dute.
Ikastaroa irailaren bukaeran abiatuko dute eta abenduan bukatuko da. Ordu eta erdiko saioak egingo dituzte 19:15ean hasi 20:45ean bukatzeko. Hurrengo egunetan izango dira hitzorduak: irailaren 25ean, urriaren 9an eta 23an, azaroaren 6an eta 20an eta abenduaren 4an eta 18an -guztiak ostegunak-.
Izena emateko interesdunek Amurrioko Kultur Etxera jo beharko dute irailaren 16 eta 24 bitarte. Herrian erroldaturik daudenek 21 euro ordainduko dute eta gainerakoek 35 euro.
Antolatzaileek azaldu dute ez dela garrantzitsua bakoitzak duen trebakuntza maila, edonork parte hartu dezakeela baldin eta bere prestakuntza kulturala hobetu nahi badu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
