Oharra plazaratu du Saratxo Bizirik 2.0 plataformak salaketa egiteko. Taldeak azaldu du abuztuaren 1ean gertatutakoa: “Arabako Foru Aldundiko langileak Saratxoko landa pribatuetan topatu ditugu errepidearen proiektuaren inguruko pankartak kentzen. Hauek duela bi hilabete hasi ginen kokatzen herrian zehar.”
Talde politikoei zein herritarrei eskatu diete laguntza salaketa zabaltzeko.
Gutuna politikariei
Aipatutakoaz gain, beste ekimena abiatu du Saratxo Bizirik 2.0. eta politikariei gutuna bidali diete. Testuan adierazten dute oso etsituta daudela haien jokaera dela eta.
Plataformak azaldu du Arabako Batzar Nagusietan onartutako mozioaren harira bilera egin dutela Herrilan eta Garraio Sailarekin A-625 errepidearen saihesbidearen proiektua aztertzeko baina bere ordezkariek ez dutela aintzat hartu azaldutakoa.
Plataforma ziur dago Aldundiak baliabide tekniko gehiago dituela baina sen onez jokatzeko eskatu dio.
Horren ondorioz ordezkari politikoei urratsak ematea eta bilerak egitea eskatzen diete konponbidea bilatzeko.