Helarazitako prentsa-oharrean adierazitakoaren arabera, “gardentasunari eusteko" apustuaren barruan argitaratu du Amurrioko Udalak bere webgunean 2011-2014 legegintzaldian zehar kontratatu dituen obra guztien zerrenda. Ekimen hori, bada, Gardentasunari, Informazio Publikoari eta Gobernu Onari buruzko Legearen baitan ulertu behar da.
Obren zerrendan, hain zuzen, hainbat datu ageri dira zehaztuta: xedea, aurrekontua, adjudikatzaileak, prozedura, zenbatekoa eta esleitzeko erabakia hartu duen organoaren izena. Obra horietatik aipagarriena edateko uraren sarea berritzeko proiektua izan da, 733. 190,57 euroko aurrekontua izan du-eta.
Gardentasunari dagokionez, bada, zera gehitu du Josune Irabien alkateak: herritarrek datuok ezagutzeko eskubide osoa daukatela, eta datozen hileotan gardentasunari buruzko protokoloa osatzearekin batera, beste hainbat neurri hartuko direla.
Albiste honi atxikia duzue egindako obra-kontratazioen zerrenda.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
