Amurrioko Euskotarrak jai kuadrilak mende erdi bete ditu kalejirak egiten datorren urtean. Urtemuga finantziatzeko diru lortu asmoz ekitaldi bereziak prestatu dituzte. Ekintzetako bat antzinako ohiturak berreskuratzea izango da, zeinetan eragilearen fundatzaileetako batzuk hartuko duten parte. Era honetan, belaunaldi ezberdinen arteko harremana sendotu eta nabarmendu nahi dute. Ospakizuna nola egingo duten zehaztu ez badute ere, datorren urtean izango dela aurreratu dute.
Txartel propioa
Bestetik, bazkide txartel bat jarri dute salgai kideen artean 3 euroren truke. Karnetak eskuratzeko Araba Euskarazeko denda zaharrera bertaratzeko deia egin dute, hots, frontoi kalera. Erantsi dutenez, ostegunero 18:00etatik 19:30ak arte egongo da zabalik. Dena dela, eskaera egiteko facebooketik mezu pribatu bat bidaltzeko aukera ere izango dutela interesatuek erantsi dute, "Euskotarrako koadrila" kontuaren bidez.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
