Amurrioko Udalak 36,6 hektareatan sasitza kenduko du. Horretarako 19.024,96 euro bideratu ditu eta “Explotaciones Forestales Jiménez Araba, S.L” enpresak gauzatuko ditu lanak.
Lan horien helburua da mendi publikoetan zuhaitzen iraupena bermatzea. Berez, pinu radiataren koniferoz landatutako 16,07 hektarea, 1,21 hektarea sequoia sempervirens-ez eta 19,08 haritz amerikarraz, urkiz eta artziz landatu diren eremuak garbituko dira.
Zuhaitz horiek guztiek aurrera egin dezaten garbiketa eta mantenua behar dute, bestela haiekin lehiatzen diren sasiak bere hazkundea oztopatu dezakete. Koniferoen kasuan lehenengo hiru urteetan egin behar dira lan mota horiek eta gainerako espezien kasutan lehenengo bost urteetan zehar.
Zuhaitzen mesederako ez ezik beste xede batzuk betetzeko ere egingo dira lanak. Alde batetik suteak ekiditeko eta bestetik abereen mugimendua errazteko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
