Alicia Ruiz de Infantek, Herrilanetako foru-diputatuak, agerraldia egin du Arabako Biltzar Nagusietan, Saratxoko proiektuari buruz hitz egiteko. Horren harira, bada, Amurrioko Udalak ibilbidea aldatzeko egindako proposamena zergatik ez duten onartu azaldu du, eta lanak kontratatzeko espedientea aurten abiarazteko asmoa dutela zehaztu du.
Haren hitzetan, “Amurrioko sarbidea, Saratxo eta industrialdeak konektatzeko egingo den lotunea Araban orain arte egin den txikiena izango da. Lurzoru gutxi hartuko du, eta eragin txiki-txikia izango du ingurumenean”.
Alicia Ruiz de Infantek, Herrilanetako foru-diputatuak, agerraldia egin du Arabako Biltzar Nagusietan, Saratxoko proiektuari buruz hitz egiteko. Horren harira, bada, Amurrioko Udalak ibilbidea aldatzeko egindako proposamena zergatik ez duten onartu azaldu du, eta lanak kontratatzeko espedientea aurten abiarazteko asmoa dutela zehaztu du.
Haren hitzetan, “Amurrioko sarbidea, Saratxo eta industrialdeak konektatzeko egingo den lotunea Araban orain arte egin den txikiena izango da. Lurzoru gutxi hartuko du, eta eragin txiki-txikia izango du ingurumenean”.
Amurrioko Udalak, bestalde, Kalzadako eta Tubacex industrialdeak lotzeko aukera azter zezala eskatu zion Aldundiari, eta horren gainean, zera erantzun du Ruiz de Infantek: proposamen hori atzera bota dutela, hain zuzen, oso garestia zelako, eta gauzatu ahal izateko pasabidea egin beharko litzatekeelako trenbidearen azpitik, eta malda handiarekin, gainera. Aldundia, hortaz, ez dago prest industrialdeetako sarbideetan egin nahi diren lanak Saratxoko saihesbidearen proiektuaren barruan sartzeko.
Saratxo bizirik plataformako kideek adierazi digute egunotan kaleratuko dutela prentsa-oharra, Arabako Foru Aldundiak emandako azalpenen gainean zer iritzi duten azaltzeko.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
