Kider Store Solutions izenpean hasi lezake berriro bere jarduera Kimek, Kider taldeak Amurrion zuen lantegiak. 6.250.000 euro eskaini ditu inbertsore batek eskuratzeko eta hori da konkurtso-administratzaileak onartutako proposamena, nahiz eta beste eskaintza bat egin dioten. Konkurtso-legearen baitako epea bukatu ostean epaileak erabaki beharko du ekimena baimenduko duen.
Printzipioz, inbertsore berriak Kime eta Kiderrek Peraltan zuen egoitza erostea ez ezik, hainbat makineria eskuratuko ditu. Hori bai, Barakaldo eta Murgako lantegiak erosteko asmorik ez du agertu.
Epaileak operazioari baiezkoa emanez gero berehala hasiko lirateke lanean Kimen. Dagoeneko inbentario egiten daude, adibidez.
50 langile hasteko
Inbertsoreak adierazi du zuzendaritza-bazorde berriarekin hasiko duela bere ibilbidea eta 50 langile kontratatuko dituela berehala, apurka-apurka behargin gehiago kontratatzeko helburua duelarik. Ateak itxi aurretik 157 langile zituen Kimek.
Konkurtso-administratzaileak prestatutako akordioaren arabera langile berriak Kider enpresako langile ohiak izan beharko dira.
Inbertsoreak ordainduko dituen 6.250.000 euro horietatik 2 miloi langileen zorrak ordaintzera bideratuko lirateke. Gainera, La Caixak bere zorra kitatu du, 750.000 euro inguru guztira.