Euskadiko Auzitegi Nagusiak aintzat hartu du Tubos Reunidos enpresak aurkeztutako helegitea. Gasteizko 2. epategi sozialak hartutako erabakiaren aurkako helegitea izan da. Hala ere, enpresak %30 errekargua ordaindu beharko du amiantoaren prebentziorako neurriak ez hartzeagatik 1977tik 1998ra arte. Urte horietan C. Ll. G. langile gisa egon zen enpresan, hain zuzen.
Sententzia berriak absolbitu du Tubos Reunidos SLU oinordeko enpresa gisa baina zigortu du Tubos Reunidos SA segurtasun eta higiene arauak ez betetzeagatik.
C. Ll. G. 30 urterekin hasi zen lanean Tubos Reunidos SA enpresan babesik gabe amiantoa moztuz eta erabiliz. 1997. urtean baja hartu zuen eta kartzinoma diagnostikatu zioten. Ia 13 urte geroago lortu zuen beharginak Gizarte Segurantzaren Institutu Nazionalak gaixotasun profesional gisa aitortzea.
2011. urtean Errekargu espedienteari hasiera eman zioten segurtasun eta higiene neurriak ez hartzeagatik. Laneko Ikuskatzaileak txostena egin eta adierazi zuen garai horretan amiantoa ez zegoela debekaturik eta beraz Errekargu Prestazioa ez zela egokia.
ASVIAMIE, Euskadiko amiantoaren biktimen elkarteak gogoratu du iritzi hori baztertu zuela Gasteizko 2. epategi sozialak eta Tubos Reunidos enpresa zigortu zuela %30eko ordainketarekin prebentzio neurriak ez hartzeagatik. Orain gauza bera egin du Euskadiko Auzitegi Nagusiak, Auzitegi Gorenaren doktrina erabiliz. Horrela, adierazi du 1977. urtean bazegoela indarrean legeria ugari eta ez zirela amiantoaren partikulen neurketak egin “ez beste prebentzio neurririk, gaixotasun profesionalaren probabilitateak areagotuz”.