Megatech-eko Enpresa Batzordeak lau egunerako greba deitu zuen ekainaren 17, 18, 19 eta 23rako, lagile baten kaleratzea dela eta (lau kaleratze izan dira azken hilabeteetan enpresa honetan). Greba deialdi hau langileen artean bozkatu eta emaitza aldekoa izan zen.
Honen aurrean, enpresak salaketa jarri zuen Enpresa Komitearen, hau da, Greba Komitearen aurka. Salaketaren bidez, greba bertan behera uztea eskatzen du, eta honetaz gain, lanuzteko 30 minutu bakoitzeko 80.000 euroko isuna (guztira 5.000.000 euro). Indemnizazio honen ordainketa komiteko kideen kontura doanez, pertsona hauen soldaten lokeoa eskatzen da salaketan.
Auzitegiak ez du salaketa eskaera onartu. Hala ere, LABen iritziz, honek ez du albo batera uzten gertakarien larritasuna. Greba eskubidea ukatzeko maniobra izan dela adierazi du sindikatuak eta instituzioek behin eta berriz jasotzen dituztela enpresa honek gauzatzen dituen eskubide urraketen salaketak, baina oraindik lan ikuskaritzak neurriren bat ezarri dezan zain daudela salatu du.