EH Bildu koalizioak eta EAJk prentsa oharren bitartez eskaini dituzte ikuspuntu ezberdinak Lucas Rey Ikastetxeak jaso behar zituen diru-laguntzaren inguruan.
Eztabaida koalizioak hasi zuen. Zabaldutako oharraren bitartez azaldu zuen aurreko udal gobernu taldeak 60.000 euroko diru-laguntza lortu zuela Eusko Jaurlaritzaren partetik Lucas Rey Ikastetxean zenbait konponketa gauzatzeko: galdara eta leihoen irekitze sistemaren aldatzea eta eraikina margotzeko lanak.
EH Bilduren aburuz, diru-laguntza galdu da epearen baitan ez baitziren egin, nahiz eta oraingo udal gobernu taldeak luzapena eskatu zuen.
EAJren erantzunaren
Jeltzaleek ordea, beste bertsioa aurkeztu dute. Amurrioko EAJk leporatu dio aurreko udal gobernuari -hau da, EAri- lanak garaiz ez egitea eta ondorioz diru-laguntza galtzea. Jeltzaleek gogoratu dute beraiek 2011n hartu zutela udalaren ardura eta gertatutakoa ez dela bere errua.
Gainera, azaldu dute diru-laguntza hori galdutzat jo eta gero, beste diru-laguntza lortu dutela lan horiek egiteko.