Gaur hasiko da Burlatan CEKT Espainiako txapelketa, eta bertan izango da Ibai Ruiz Amurrioko borrokalaria. Ibaik 2010ean eta 2012an Euskadikoa irabazi zuen, eta gogotsu doa.
Datozen hiru egunetan autonomia arteko kick boxing txapelketa jokatuko da Burlatako Elizgibela kiroldegian. Bertan izango da Ibai Ruiz amurrioarra, Ibai gaur egun Bilboxing taldean dabil, eta batzuetan Laudioko boxeo-taldearekin ere entrenatzen da. Ibai 2010ean eta 2012an Euskadiko txapelketan nagusitu zen amateur mailan, eta 2013ko Espainiakoetan ere txapela eskuratu zuen neoprofesional mailan. Aurten profesional mailan arituko da lehenengo aldiz.
Esan bezala, gaur bertan hasiko da txapelketa, parte-hartzaileen pisatzeekin. Bihar berriz kanporaketak jokatuko dira, eta igandean azkenik finala izango da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
