Azkeneko urteak Austria eta Alemanian, jokalari bezala lehenbizi eta hauen agente bezala geroago, iragan ostean, Iñaki Bea futbol jokalari ohiak José Luis Mendilibar bizkaitarra lagunduko du Lehenengo Mailako Levanten hasi berri duen etapan.
Amurriarrak, jokalari bezala Lehenengo Mailan lehendabiziko aldiz Valladolidekin 2007an aritutakoak eta bertan Mendilibar ezagutu zuenak, Innsbrucken finkatua zeramatzan azkeneko urteak, baina Espainiako Liga nagusira bueltatzeko aukera aurkeztu zitzaionean ezin izan zuen proposamena alboratu. Uztailaren 10an hasiko dute Levanteko lehenengo taldearen aurredenboraldia zehazteke dagoen data eta lekuetan, “stage”-an Iñaki Bearen presentziarekin lehengo aldiz.
Iñaki Beak Laudioko eta Amurrioko taldeetan jokatu du profesionala izan baino lehen. Levanten erronka handia izango du, 2013-2014 denboraldia ona izan baita klubarentzat.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
