Iñaki Salvador pianistak eta Ainara Ortega abeslariak Cine para Dos y Terron de Jazz izeneko kontzertua emango dute Amurrio Antzokian maiatzaren 31n 20:00etan. Sarrerak 4 euro balioko ditu eta entzun ahal izango diren abestiak filmetakoak izango dira. Gainera, ekainaren 6an, 20:00etan J. Uruñuela Dantza kontserbatorioaren ikuskizuna egongo da eta sarrera doakoa izango da.
Jazz estilotik jatorriz. kontzertuan pelikula Estatu Batuarretako pasarte dibertigarriak zein malenkoniatsuak interpretatuko dira. Salvadorrek pianoa eta akordeoia joko du eta Ortegak abestu, klakea dantzatu eta biolina joko du.
Iñaki Salvador ( Donostia, 1962) pianista, musikagilea, akordeoilaria eta moldaketagilea ere bada. Hainbat musikarien diskoetan parte hatu du, besteak beste, Mikel Laboaren piano-jotzailea izan zen hogei ta bost urtez. Oskorri taldearekin edota Luis Eduardo Auterekin ere lanean aritu da eta telebista zein zinemarako konposizioak egin ditu. Egun, jazz munduan ospetsua da eta Donostiako Musika eta Dantza Eskolan ematen ditu klaseak.
Ainara Ortega biolin-jotzailea, aktorea, eta jazz abeslaria da. Mac Jeara´s Band-en hasi zen baxua jotzen eta abesten eta 2006. urtean Musikene eskolako Jazz ikasketetako lehenengo emakumea izan zen. Hainbat musikariekin lan egin du, hala nola, Joaquín Chaconekin, eta Bob Sandsen Big Band taldean dago.