Amurrioko Udalak iragarri du 2014ko herriko jaiak abuztuaren 12an hasi eta abuztuaren 17an bukatuko direla. Egun bat gutxiago izango dute beraz jaiek baina jarraian ospatuko dituzte.
12an izango da txupina. Ramón Zurimendi Aztarna elkarteko kideak irakurriko du. Eta gauean En Tol Sarmiento taldeak joko du Juan Urrutia plazan. Ze Esatek taldearen kontzertua, bestalde, uztailaren 14an izango da, koadrilen egunean.
Egun guztietan erromeriak edo berbenak antolatu dituzte.
Horretaz gain, abuztuaren 13an nagusien eta umeen eguna ospatuko dute eta besteak beste, zezen plazan animaliekin ikuskizuna eskainiko dute. Plazan 5D zinema egongo da.
Jaiei amaiera emateko eta Iguarrakoa agurtzeko desfilea egingo dute herritar mozorrotuekin eta egun berean J.J. Vaquerok -El Homiguero telebista saioko kolaboratzailea- bakarrizketa egingo du Amurrio Antzokian. Antzerkia ere ikusteko parada egongo da kalean.
Gastronomiari ere tartea egingo diote, txapelketa eta pintxoen bitartez eta kirolaren esparruan, herri kirolak, esku pilota partidak, txirridula lasterketak eta futbol partidak antolatuko dituzte. Umeentzako puzgarriak egongo dira, 14an adibidez.
Zezenzaleek, oro har, hitzordu ezberdinak izango dituzte.
Aurrekontua
Jaiak antolatzeko aurtengo aurrekontua 145.418 eurokoa da. Amurrioko 22 elkartek parte hartu dute antolakuntza lanetan eta egitarauaren aurrerapena atzo egin zuten Josune Irabien alkateak, Nuria López zinegotziak eta Kontxesi Elejalde kultura teknikariak.