Tailerra Gasteizko Manuel Iradier Afrikanisten Elkarteak antolatu du. Maiatzaren 15ean izango da, arratsaldeko 18:00etan, eta bi orduko iraupena izango du. Publiko guztiari irekita dago eta sarrera doakoa da.
Tailerraren gidaria Gorsy Edú artista, aktore eta perkusionista ekuatore-ginearra izango da. Besteak beste, Querida Bamako eta La causa de Kripan filmeetan aritutakoa da. Gorsy Edurekin batera, hitzaren zentzu sakona, naturaren behaketa desinteresatua, denbora eta naturaren arteko ezberdintasuna eta antzeko kontzeptuak Afrikako ikuspegitik jorratzeko aukera izango da.
Manuel Iradier Afrikanisten Elkarteak kooperazio proiektuak ditu Benin, Ekuatore Ginean eta Kongon. Tailerraren ekimena "Elat Meyong: herrien arteko elkartasuna" izeneko programaren baitakoa da eta Arabako Foru Aldundiak babesten du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
