Azken sei urtetan hiru okupazio burutu ostean, Gazte Asanbladak herriko udalari eskaintza bat egitea adostu zuen. Horretarako, hilabetetako lana aurrera eraman zuen Amurrioko gazteriak dauzkan gabezien inguruan hausnartuz.
Aurkeztutako eskaintzak harrera ona izan zuela ikusita, proiektu bat sortzea adostu zuten Asanbladako kideek, Udalak San Joseko kuartel zaharrean eskainitako espazioa oinarritzat hartuaz eta herriko gazteriarengan ikusitako gabeziak kontuan hartuz. Proiektua osatzen hasi baino lehen, Gazte Asanbladak San Joseko kuartel zaharrean lokalak dituzten eragileekin bilerak antolatu zituen, elkarte hauei proiektuaren xehetasun guztiak helarazteko asmoz.
Hortik aurrera, ostiralero gazte ugari asanbladan elkartzen hasi ziren proiektuari forma emateko eta, oraindik amaitzear badago ere, Asanbladak aurreproiektu bat entregatu du dagoeneko herriko udaletxean.
Aurkezpen publikoa
Proiektuaren aurkezpen publikoa datorren ostiralean, hilak 28, izango da, 18.00etan, San Joseko kuartel zaharrean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
