Amurrioko Udal Gobernuak aurrekontuen inguruan duen proiektua eman die gainerako taldeei. Otsailaren 17an eman zien zirriborroa eta astelehenean bukatu zaie epea zuzenketak proposatzeko.
Aurrekontuetan eman den aldaketa nabariena diru sarrerei dagokio. Pasa den urtean aurrekontuak 13.639.907 eurok osatu bazuten, aurten 13.033.954 euro izango ditu Udalak.
600.000 euro gutxiago izango du tokiko erakundeak 2014an erabiltzeko, %4,5 murrizketa hain zuzen ere.
Eraginak
Diru sarrerak murriztu direnez inbertsioetan islatuko dira ondorioak. Gainerako atalak ez dira gehiegi aldatu.
Inbertsioei dagokionez San Jose auzoko Zabaleko kalean egiten ari diren lanek aurrera jarraituko dute, Plan Foralak jasotzen duen moduan.
San Anton plazaren estaldura
San Anton Plaza estaltzeko proiektua ere Foru Planaren baitan dago. Eta berehala ideia lehiaketari ekingo zaio. Aurkezten diren ideien artean 5 hautatuko dira. 2000 euroko diru-laguntza izango dute egile horiek bere egitasmoak garatzeko eta herritarren parte-hartzeari esker garailea erabakiko da.
Obra gehiago
Reforreko zelaia artifizaleko harri-lubetan ere lanak egiteko asmoa du, baita Cerrajeria bidean. Jarraituko diren beste ildo batzuk HAPOa eta energia aurreztea.
Errealismoa
Josune Irabien alkatearen ustez aurrekontuak oso errealistak dira. Hori berresteko iragarri du bere aurreikuspenak betetzen ari direla pasa den urteko aurrekontuan: diru sarreretan %84,23an bete dira eta kitapenetan %81ean.