Amurrio Bidean agentziak, LanIN proiektuaren baitan, udalerriko 10 enpresarekin lan egin du, etorkizunera begira ezinbestekotzat jotzen diren trebetasun profesionalak zein diren zehazteko. Amurrion enpresa-ehun lehiakorra sortu nahi bada, beraz, trebetasun horiek landu beharko dira, eta horiexek izango dira, hain zuzen, Skills Txokoa delakoan garatuko direnak. Zehazki, 6 trebetasun hauek identifikatu dira:
Amurrio Bidean agentziak, LanIN proiektuaren baitan, udalerriko 10 enpresarekin lan egin du, etorkizunera begira ezinbestekotzat jotzen diren trebetasun profesionalak zein diren zehazteko. Amurrion enpresa-ehun lehiakorra sortu nahi bada, beraz, trebetasun horiek landu beharko dira, eta horiexek izango dira, hain zuzen, Skills Txokoa delakoan garatuko direnak. Zehazki, 6 trebetasun hauek identifikatu dira:
- Talde-lana eta lidergo partekatua, hainbat gaitasun —autonomia eta konpromisoa, besteak beste— indartzeko tresna gisa.
- Kontaktuen sarea eta merkataritzarako trebetasunak (marketina eta publizitatea).
- Komunikazioa eta negoziazioa ingelesez.
- Barne-komunikazioa.
- Bezeroari begira lan egitea.
- Komunikazioaren eta informazioaren teknologia.
Espazio hori Amurrioko enpresei zuzenduta dago, eta Reforamurrio Enpresaldeko gela batean egongo da kokatuta. Lehenengo lan-saioa martxoaren 18an izango da, 14:00etan hasi eta 18:00ak arte. Saio horretan hasierako lanketan parte hartu duten enpresetako arduradunak elkartuko dira, baina trebetasun horiek euren langileen artean garatu nahi dituzten udalerriko gainerako enpresek ere parte har dezakete, deialdi irekia da-eta.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
