Eusko Jaurlaritzako Osasun Saila eta Udala Osasun Zentro berria joango den lekua zehazteko elkarlanean ari dira. Azken aldian bi instituzioek bilerak izan dituzte herriko anbulatorioaren kokapena finkatzeko.
Bilera horietan osasun zentro berria kokatzeko bi aukera ikusi dituzte; bata oraingo anbulatoriotik gertu, Bañuetaibar kalean, dagoen sail pribatu bat izango litzateke. Bestea parketik gertu dagoen SAPUR 1 izeneko zonaldean aurkitzen den Udal-sail bat.
Gaur egun, Eusko Jaurlaritzako Osasun Sailak bi lekuek dituzten arazoei konponbide teknikoak begiratzen dabil, helburua kalitatezko osasun zentroa egitea delako.
Eusko Jaurlaritzak aurkeztutako 2014 urterako aurrekontuetan anbulatorio berri baten eraikitzea agertzen zen. Bertan jasotzen den arabera, Osasun Zentroak 330.000 euro jasoko lituzke eta finantzaketa eta egite lanak Gobernuaren esku egongo lirateke.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
