Euskadi txirrindularitza taldeak urtarrilaren 2an aurkeztu zuen urte honetarako bere plantilla, arazo ekonomikoak gaindituta 11 txirrindularik hartuko dute parte taldean, haien artean Amurrioko Jon Larrinaga. Aritz Arberas, Amurrioarra hau ere, prestatzaile fisiko lanetan ibiliko da.
Jon Larrinaga eta Aritz Arberas iaz ere taldean egon ziren. Jon Larrinagak aurreko denboraldian estreinatu zen profesional mailan. Aritz Arberas orainarte prestatzaile fisikoa izateaz gain kirol zuzendaria ere izan da, aurten albo batera utzi duen postua.
Euskadi Taldeak hainbat zailtasun pasa ditu azken hilabeteetan, taldea desagertzeko arriskuan egon da, hein handi batean Euskaltelek babesle izateari utzi izanagatik. Azkenean negoziazio askoren ostean proiektua bizirik mantentzea lortu dute.
Jon Larrinagarekin batera hauek dira taldean arituko diren beste 10 txirrindulariak: Víctor Echeverria, Miguel Mínguez, Mikel Iturria, Illart Zuazubiskar, Mikel Aristi, Pablo Lechuga, Carlos Barbero, Haritz Orbe eta Jon Aberasturi.