José Tomás Uruñuela musikaria, konpositorea eta 1930. hamarkadan Baranbioko dantza taldearen sortzailea izan zen. Badira 50 urte zendu zela eta hau dela eta omenaldia egingo diote Baranbion datorren igandean, abenduak 29.
Omenaldia goizeko 11:00etan hasiko da bere ohorez egingo den mezarekin. Bertan Mª Ángel Echevarria, Mª Carmen Imaz eta Amurrioko Abesbatzak parte hartuko dute. Meza ondoren, Amurrioko Abesbatzak hainbat abesti kantatuko ditu, hauek Uruñuelaren biografiari buruzko datu esanguratsu batzuen irakurketarekin tartekatuko dira.
Ondoren, musikari eta konpositorea Baranbion bizi izan zen etxean plaka bat jarriko dute bere oroimenez. Omenaldia Baranbioko Biltzar Administratiboaren laguntzarekin eta Amurrioko Udalaren laguntzarekin aurrera eramango da.
José Tomás Uruñuela 1891.urteko uztailaren 28an jaio zen Gasteizen. 1916.urtean Kimikan lizentziatua, bere lana, berak musikarekiko zuen zaletasunarekin batera aurrera eraman zuen. Bere garaiko hainbat musikariarekin harremanetan jarri zen, Jose Mª Nemesio Otaño, Jesús Guridi eta José Gonzalo Zulaika besteak beste.
Ez dago datu zehatzik, baina badirudi 1926. urtean Baranbion egon zela. Garai horretan, musika mota guztiak bildu, sailkatu, kontserbatu eta katalogatu zituen gero hau guztia hedatzeko.
Berak ere hainbat euskal dantza berreskuratu zituen eta Baranbion musika sortzeaz gain dantza taldea eta txistu eskola sortu zituen. Baranbion bizi izan zeneko garaian hainbat obra sortuko ditu: “Itsalde Erresona” (1927), "Minuetos para txistu", “Nork Orain” eta “Agur Maria” (1929).
Uruñuela 1963.urteko uztailaren 3an hil zen Donostian.
2014. urtean Uruñuela musikariaren eta konpositorearen omenezko hainbat ekintza burutzea aurreikusi da.