Amurrioko Udalak jakinarazi du ez diola Gazte Asanbladari baimenik emango larunbatean kontzertua egiteko baldin eta ez badu Erantzun Zibilerako asegurua aurkezten.
Erakundeak azaldu du legedia medio, derrigorrezkoa dela auto-babesa plana egitea eta Erantzukizun Zibilerako asegurua kontratatzea. Larunbateko kontzertuan Udalak bere gain hartuko du auto-babesa plana, baina gazteei exijitu die Erantzukizun Zibilerako asegurua aurkeztea. Gazte asanbladak baldintza hori beteko ez balu, ez luke Udalaren baimenik jasoko jaia ospatzeko.
Gazte Asanbladak antolatu duen jaialdia izan duten epaiketa salatzea du helburu. Horren harira, Udalak esan du, nahiz eta udal guneen okupazio ilegalagatik inplikatuta egon: “Matias Landaburu kiroldegiaren erabilera eta bestelako materiala; eskenatokia, heziak, tarimak eta argindar hartunea kasu, erabat doan utzi egin dizkio Gazte Asanbladari, baita Lan eta Zerbitzuetako Udal langileek eskainitako denbora ere.”
Epaiketen aurkako jaialdia
4500 euroko isuna jaso duela eta dirua ordaintzeko antolatu du Gazte Asanbladak larunbatean arratsalde eta gau osoko egitaraua Matías Landaburun.
17:30ean tokiko eta inguruetako zenbait taldek joko dute: Astarte, Habemus Papa(m), Tinko, Aizkorakada, Boot Boys.
21:30ean manifestazioa eta ekitaldia egingo dute.
22:30ean Potato, Mandoilek eta Bad Sound System taldeek joko dute 3 euroren tru