Azaroaren 19an udaletxean egindako osoko bilkuran Ondasun Higiezinen Gaineko Zerga edota Eraikuntzen, Instalazioen eta Obren Gaineko Zerga izoztea erabaki zuten alderdiek.
Motordun ibilgailuek edota tabernek terrazak jartzeko ordaindu behar duten diru kopurua % 2 igoko da. Alderdiek adostuta, baratzeen eta bazkalekuen ustiatzeen, eta telefono eta zerbitzu elektrikoen igarobideen gaineko zergak ere izoztuko dituztela erabaki zuten osoko bilkuran. Bestalde, Motordun Ibilgailuen Gaineko Zerga ez ezik, ostiraletan egiten den merkatuan jartzen diren saltokiena, tabernetan jartzen diren terraza eta mahaiena, edota garaje eta lursailetako pasabideena ere %2 igoko ditu Udalak, besteak beste. 2014. urteko zaborren bilketa eta ur zerbitzuaren gaineko tasak aztertzeko esperoen daude oraindik.
Josune Irabien alkateak adierazi duenez hurrengo urteko aurrekontuen kudeaketan ahalegin berezia egingo dute familien egoera ekonomikoa ahalik eta gutxien kaltetzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
