Amurrioko Gazte Asanbladak duela bi urte Landazuri okupatzeagatik epaitua izan zen pasaden hilabeteetan, udal gobernuak salaketa jarri ondoren. Aste honetan ateratako 9 gazteen aurkako sententziak, guztira 4500 euroko isuna ordaintzera behartzen ditu.
Gazte Asanbladaren esanetan, 7 urteko ibilbide honetan agerian geratu da gazteria antolatzea eta pairatzen duen problematikari eustea eta horri buelta eman nahian lan egitea gogaikarri bihurtu dela herriko agintarientzako.
Duela 2 urte okupazioaren bidea hartu zuten, udal gobernuari proiektu bat aurkeztu ondoren; 3 okupazio burutu izan dituzte, tartean Landazurikoa. Urte hauetako kale lanak eta okupazioek udal gobernua posizioz mugitu eta aterabide bat proposatzera bultzatu dute, momentu honetan Amurrioko Gazte Asanbladak aztertzen eta osatzen ari dena.
Adierazi dutenez, epaitegiek ez diete arrazoirik eman baina herria izan da euren lana legitimo egin duena, aurrera jarraituko dutela esan dute, epaitegi, sententzia eta isun guztien gainetik, nahiz eta gaurkoan ospatzeko arrazoi askorik ez dagoen, gazteok eginiko lana zoriondu nahi dute.
Guzti honi erantzuteko planteatutako mobilizazio eta deialdiak hauek dira:
-
Gastu ekonomikoei aurre egiteko eta salaketa bateratua emateko jaialdia Abenduaren 14an.
- Egun horretan 21:30etan manifestazioa eta ekitaldia.
-
Datorren ostiralean asanblada orokorra herriko koartel zaharrean.
-
Kostu ekonomikoei aurre egiteko egingo diren planteamenduetan lagunduz.