Azaroko azken bi asteburuetan Amurrio Antzokiak gaztelaniazko eta euskarazko bi ikuskizun aurkeztuko ditu. Bata, Palabras izenekoa, azaroaren 23an izango da 20:00etan eta bigarrena, Lingua Nabajorum, azaroaren 30ean ordu berean. Azken honek gainera, aurtengo Max saria jaso du euskarazko lan onenari.
Lehenengo antzerkia tratu txarren ingurukoa da eta sarrera 10 euro balioko ditu. Gaizki tratatutako pertsonek ez dute tokirik titularretan eta nahiz eta tratu txarrak eta gaizki tratatzea hitzak besterik ez diren, bereizi egiten dira, orden desberdinean jositako hitz berberak izan arren. Horren inguruko gogoeta da Palabras antzezlana.
Bigarren antzerkia, Lingua Nabajorum, azaroak 30ean izango da eta 6 euro balioko ditu. Euskaraz egindako antzerki hau elkarrizketa burugabe, bizkor eta ironiaz betetan oinarritua dago, ibilbide luzea duten aktorek jokatua. Komedia honek euskararen historiaz eta jatorriaz mintzo diren bi pertsonai aurkezten ditu. Horrela, Mikel Martinezek eta Patxo Telleriak berak Euskal Herrian gertatu diren gatazka ugariak euskararen jatorriaren eta bilakaeraren kausa direlako teoria erotik abiatuta, goreneko une historikoen segida eroa aletuko dute, hasi Neolitikotik eta gaur egun arte.