Amurrion eta Galindon lantegiak dituen Tubos Reunidos enpresak kreditua jasoko du Europako Inbertsio Bankuaren eskutik. 59 milioi euro izango dira eta lehenengo fasean 45 milioi emango dizkiote enpresari. 2016. urtera arte ikerketa eta garapen esparruetara bideratuko du zuzendaritzak dirua.
Ikerketek, gehienbat, burdin mota berriak garatzeko asmoa izango dute. Alde batetik elektrizitatearen eta petrokomikaren prozesuetan eraginkortasuna hobetzeko eta bestetik gasa eta petrolioa lortzeko industrietan erabiltzeko (haustura hidraulikoan eta gainontzeko muturreko energietan, hain zuzen ere). Azkenengo teknika horietan erresistentzia gehiagoko materialak behar baitira presioa eta korrosioari aurre egiteko.
Beste esparru batean, Tubos Reunidosen lantegietan segurtasuna hobetu nahi dute Europako Inbertsio Bankuak emango duen diruarekin. Erakunde finantzieroa Europar Batasuneko estatuek osatzen dute eta epe luzerako finantzazioak errazten ditu. Berez, banku publiko horrek banku pribatuek baldintza hobeagoak eskaintzen ditu.