Amurrioko Gazte Asanbladaren eta Udalaren arteko harremanetan atal berri bat ireki da. Udal gobernu taldeak lokal bat eskaini dio asanbladari bere jarduera garatu dezan. Guardia Zibilaren kuartela zegoen eraikinean dago kokatua lokala, San Jose auzoan, eta bi gelaz osatua dago.
Gazte Asanbladako kideek jakinarazi dute espazio horretarako proiektu bat garatzen zabiltzatela, eta prest izan orduko herriko beste eragileei eta udalari aurkeztuko diotela.
Guardia Zibilak bertatik alde egin ondoren, eraikina berregituratu eta San Joseko kultur etxea ireki zen bertan, 1998an. Gaur egun, hainbat kirol zein kultur elkarte daude bertan; Aiara Dantza taldea, Ziripot edo Amurrioko Txistulariak kasu.
Helegitea
Landazuriko epaia publiko egin eta astebetera egin dio udalak lokal eskaintza gazte asanbladari. 450 euroko isuna ezarri zien epaileak Landazuri etxea okupatu zuten 9 gazteetako bakoitzari. Baina gazte asanbladak helegitea jarri du, urteetan zehar hutsik egondako eraikin bat okupatzea delitua ez dela argudiatuta. Absoluzioa baino ez dute onartuko.
[video:http://www.youtube.com/watch?v=TlMZXcJndW8]
[video:http://www.youtube.com/watch?v=kg2Pslk0GxY]
[video:http://www.youtube.com/watch?v=mS_aVOYl9Ps]