Herritarrek Hiri Antolamenduko Plan Orokorra ezagutu ahal izateko Udalak taulez egindako erakusketa egingo du eta dokumentuak bere web gunean jarriko ditu. Horrela, nahi duenak hirigune, lurralde eta batzar administratiboa diren hiru ardatzen inguruan iradokizunak egin ahal izango ditu.
Udalak Hiri Antolamenduko Plan Orokorra berrikusteko prozesua abian jarri zuen joan den urtean eta herritarren eta eragileen iritziak jaso zituzten. Orain, aurreko fasean ateratako diagnostikoarekin egindako proposamenak ikusgai jarriko dituzte Udalean erakusketa baten bides azaroaren 4tik aurrera. Bertan, dokumentazioa, plano nagusiak eta iradokizunak egiteko inprimakiak egon ez ezik, pertsona bat egongo da 11:00etatik 14:00etara eta 18:00etatik 20:00etara azalpenak emateko.
Bestalde, azaroaren 25ean herritarrei zuzendutako argibide taulak ere jarriko dituzte faseak edota plan nagusia ezagutzeko helburuarekin, besteak beste. Gainera, Hiri Antolamenduko Plan Orokorrak dituen 3 ardatzen arabera jardunaldiak egingo dira bakoitzaren inguruko informazioa azaltzeko.
Jardunbide estrategikoak
Eusko Jaurlaritzako Hirigintza Politikako Batzordearen ustez hemendik zortzi edo hamar urteetara herrian 859 eta 1536 etxebizitzen artean egingo dira. Horrela, eta Josune Irabien alkatearen arabera “ideia bukatu gabe dauden lur eremuak jalkinez betetzea izango litzateke eta kasu batzuetan orain urbanizatu daitezkeenak etorkizunean ez-urbanizatuetan bihurtzea da”. Proposamenen artean ere, errepideen eta ingurabideen hobekuntza, eta lurzoru industrialak jalkinez betetzea daude.
Batzar Administratiboei dagokionez, haiekin bi bilera izango dituztela adierazi zuen alkateak. Udalaren proposamenetako bat azken hauetan gertatzean ari den jendegabetzea dela eta baserrien zatiketa onartzea da.
Argibide gehiago Udal web gunean